[XXVII. An orisoun to þe fyue ioyes of vre lady.] [So the title in the Index.]
MArie Modur, wel þe bee!
Modur and Mayden, þenk on me
ffor þi muchel miht!
Line 3
Marie Mayden meke and mylde,
ffrom mis-chaunce to-day me schylde,
Þat me ne dere no wiht. Aue.
Line 6
Marie, þou hast no peere,
Heere to-day my preyere,
Þouh I vn-worþi be;
Line 9
To þe I clepe and calle:
As þou art flour of alle
Þou haue Merci of me. Aue.
Line 12
Marie Modur and Mayden eke,
ffor þat Ioye I þe by-seche
Þat Gabriel þe grette,
Line 15
Þat Ioye me kepe day and niht
ffrom þe deuel and al his miht,
And of mis-dede me lette. Aue.
Line 18
ffor þe Ioye þat God was boren
Let me not, ladi, beo forloren
Þat þi sone bouht dere,
Line 21
But vndurfong to-day my beode,
Þat hit may stonde me in sum steode
Þorwh þi preyere. Aue.
Line 24
And for þe Ioye þat fro deþ to lyue
God vp-Ros wiþ woundes fyue
Vppon þe paske-day,
Line 27
Beo-seche þi sone, ladi Mylde,
ffrom mischaunce þat he me schilde
As wis as he best may. Aue.
Line 30
And for þe Ioye God steih to heuene
On holy þoresday wiþ mylde steuene,
Help me, ladi of miht,
Line 33
