Now God, þat died on þe Rode
And þer-on schedde þin herte-blode,
And of Marie was boren,
Line 15
Heer me whon I to þe calle,
And let me neuere in synne falle,
Ne for my mis-dede be loren.
Line 18
Ihesu, þi [MS. for þi] fyue woundes on þe Roode
Þat þou þoledest for monnes goode,
Moot my socour be.
Line 21
In þe worschipe of þi wounde
Þat þyn herte þolede in þat stounde,
A Pater noster sei we. Pater.
Line 24
In þe worschipe of þi riht honde
Þat was woundet in þe holy londe
And nayled to þe tre,
Line 27
Heere to-day my preyere,
As wis as þou bouhtest me dere
Haue Merci, lord, on me. Pater.
Line 30
Ihesu lord þat is so Mylde,
ffrom dedly synne þou me schilde
Boþe day and niht;
Line 33
Cumforte me, Ihesu, wiþ þi sonde,
As wisliche as þi luft honde
Was nayled wiþ on-riht. Pater.
Line 36
God, schilde my soule þat day fro care
Whon hit schal from my bodi fare;
Haue Merci, lord, on me,
Line 39
As wis as I leue wel and wot
Þat on þe goode ffriday þi riht fot
Was nayled to þe tre. Pater.
Line 42
As wis as harde to þe tre
Þi lift ffoot was nayled for me,
Graunte me þi grace,
Line 45
Þat I may haue þi Ioyful reste,
Þat wiþ-outen ende schal leste,
And seo þi louely face. A M E N. Pater.
Line 48
