Bi-fore þe kyng þat demes riht
Þou pledest for men day and niht—
Blessed beo þat voket! Aue.
Line 390
Blessed beo, ladi, þi swetnes.
Al Monkynde more and les
To helle were þei gon,
Line 393
Þei weoren alle in helle i-bounde,
Til þi Sone wiþ blodi wounde
Hed leesed hem out vchon. Aue.
Line 396
Blessed beo, ladi, þi feirhede,
Menget al wiþ whit and Rede,
Wiþ brihtnes al bi-Ron.
Line 399
Ladi, flour of alle londes,
Bryng him out of carful bondes
Þat hath þis song bi-gon! Aue.
Line 402
Blessed ladi, Blesse I schal
Þy Lyf, þi Soule, þi Bodi al
Þat eeuene to heuene went.
Line 405
As wis, ladi, beo vr frend
And schild vs from þe foule fend,
And let vs neuer be schent. A M. E N.
Line 408
[XXVI. An orisoun to þe fyue woundes of ihesus cristus.] [So the title in the Index.]
Ihesus, þat diȝedest vppon þe tre
And þoledest deþ for loue of me
And for myn elder sake,
Line 3
ffrom þe deuel and al his miht
Þow kepe me, boþe day and niht,
Wher I slepe or wake.
Line 6
Lord, ȝif me grace to worche þi wille
And þi Comaundement to forþfille,
Þat heuene may beo my Meede.
Line 9
Ihesu, bring me to þi Reste,
Þat euere wiþ-outen ende schal leste,
And help me at al my nede.
Line 12
