Heyl Marie, Blessed kidde,
A feir grace þe beo-tidde—
Þi peere is nouhwher leued:
Line 117
God him-self þi bodi chees,
To sitte wiþ him on his dees
And bere Coroune on heued. Aue.
Line 120
Heil Marie as briht as day,
Goddus sone wiþ-Inne þe lay
His Burth to a-byde.
Line 123
Whon he was two and þritti ȝeer old,
He fauht for men as kempe bold,
And baar ful blodi syde. Aue.
Line 126
Heil Marie, þat art ay boun
To kepe us from temptacion
Of þe fendes Blake;
Line 129
Heil riche Qween of vche a toun,
Þi sone haþ soffred passioun
ffor al Monkynde sake. Aue.
Line 132
Heil briht Braunche of Rose rote,
Of þe sprong a sauour swote
Þat sauereþ ay so swete.
Line 135
Heil Modur of al-holy Chirche,
And alle þat euere wol wysly worche,
I rede þat heo þe grete. Aue.
Line 138
Heil Ioachyms Ioyful seed,
Þou sayh whon Laȝarus was ded
ffoure dayes and More;
Line 141
Bi-fore Martha and Magdeleyn
Ihesu called him to lyue a-ȝeyn
And for him rewed sore. Aue.
Line 144
Heil Marie, Mayden sleihe,
Mony goode dedes þou seiȝe
Of þulke þat Ihesu wrouhte:
Line 147
A Mon was ded and lay on Bere,
His Moodur wiþ ful reuþful chere
Grace at Ihesu souhte; Aue.
Line 150
Heil Marie, of gret pite,
Ihesu for þe loue of þe
Made þat wommon bliþe:
Line 153
