Heil Mayden, þat euer-more
Schalt beo Qween, and hast ben ȝore,
In heuene and in eorþe.
Line 39
Þeos ben foure of power most:
ffadur, and Sone, and holygost,
And þou, Ladi, þe feorþe. Aue.
Line 42
Heil gracious qween Mari,
To þe vs neodeþ calle and cri
Whon we ben sori and syke.
Line 45
Heil hele in halle and boure;
Þou louest men þat þe honoure,
Þi loue is euere i-like. Aue.
Line 48
Heil, sone boote þer bale is neih;
Þauh þi wonynge beo an heih,
Þou herknest to vs at nede.
Line 51
Heil rest to weri bones;
Whon I was stoned wiþ harde stones,
Þow halp wiþ-outen mede. Aue.
Line 54
Heil, to al Angeles Ioye and blis,
Þow art Qwen þer, I wot, I-wis,
Witnes of vr Bokes.
Line 57
Heil witti and wys of werkes,
Þou drawest boþe prestes and Clerkes
Out of þe fendes hokes. Aue.
Line 60
Heil fendes fo, feirest of alle!
Þi Bed was In an Asse stalle
Whon þi sone was Born.
Line 63
Heil weddet wyf and Mayden eke,
Of þe þis holy prophetes speeke
An hundred ȝer bi-forn. Aue.
Line 66
Heil mihtiest of Middel [MS. Mildel] ert,
Of þe þe fendes ben a-ferd
And douten þe ful sore.
Line 69
Heil cumfort of Careful wyues;
When þei ben ferd of heore lyues,
Þou helpest hem euer-more. Aue.
Line 72
Heil chyld boren In Naȝareth,
Þou beere a child þat to[c] [MS. to] þe deth,
As alle trewe telle.
Line 75
