Vre þouht to þe beo torned so
Þat hit may fele and saye
Þat wrecchednesse from folk is gon
And torned al a-waye.
Line 104
AVe cuius filius mons est sancte spei, [Ps. 14.]
ffactus tabernaculum uere requiei:
ffac vt per iusticiam in-herentes ei
Letemur in gloria coheredes dei.
Heil, þi sone of gret Miracle
Line 105
Is hul of holy hope,
Of reste he is vr tabernacle,
To schilde vs from reyn-drope:
Line 108
Do, ladi, þorw þi rihtwysnesse
In him þat we mowe reste
As heyres of his blisfulnesse—
Þat wol be vr beste.
Line 112
AVe per quam reddita spes est desperatis, [Ps. 15.]
Quibus est hereditas restituta gratis: [cf. Ps. 15, v. 5.]
Verus factus hostia cristus pro peccatis
Pars sit nostri calicis, pars hereditatis. [cf. Ps. 15, v. 5.]
Heil þorw whom to gret vauntage
Line 113
Crist wolde vs restore,
To hope of vre heritage
Þat was from vs forlore;
Line 116
ffor he was mad þe offringe
ffor vre synnes fele,
And part was of vre suffrynge,
Part til vs to dele (!).
Line 120
AVe cuius vterum cristus cum intrauit, [Ps. 16.]
Igne sancti spiritus cor examinauit [cf. Ps. 16, v. 3.]
Et vt mater fieres dignam approbauit:
Per te nos respiciat qui te visitauit.
Heil, wiþ-oute pomp or bost
Line 121
Þi wombe whon crist com Inne,
Wiþ fuir of þe holigost
Assayet þin herte wiþ gynne,
Line 124
And þat þou schuldest his Moder beo
fful worþi he þe fonde:
Þorw þe he mote vs al bi-seo
Þat visited vs so in londe.
Line 128
