Quen he had lokid ouir þe lyne · he laȝes at hire wordis,
And to þat lady belyme [Read belyue.] · þis lettre he writis.
Line 3761
¶ "I, Alexander, þat am aire · of Amon him-selfe,
To þe maistres out of Amazoyne · many-fald ioyes!
Thre partys of þe proud werde · I playnly haue won,
Affrike & Asye · and Europ þat othire.
Line 3765
Ȝit was neuire man a-pon mold · oure miȝtis to with|stand,
And feȝt with vs in [In the margin.] þe fild; · ȝow fallis þe same.
Bot be-cause we lufe ȝour comyng · we consall ȝow blyth
To pas out with ȝour paramours · & pere vs be-forne.
On Amon oure athill sire · an athe I ȝow make,
Line 3770
Of vs to suffire na sare · to sauely to wende,
Bathe oure gold ȝow to gefe · & of oure gud kniȝtis,
To mary to ȝoure maidens · & make þam a vaunced."
Sone as þai wist of his will · þai wiȝtly him sente
Line 3774
Ten vncorsayd coltis · þe clennest of þe werd,
And as mony to amend · of milk-quyte stedis,
Of mony & of mekill quat · mayn giftis.
Line 3777
Dame Calistride þe conquiris · comes with hire ladis,
Mas hire pes with oure prince · & pas to hire landis.
¶ Decimus septimus passus Alexandri.
Þen come a sande to þis sire · in þe same tyme, [folio 65a]
Þat kyng porrus þe proud · with pers out of ynde
Was in þe bonds of Batriane · & eft [MS. oft or ost.] had assemblid
Anoþire ost of odmen · him eft on to ride.
Line 3783
As hastely as he it herd · his ostis he flittis,
And athils harnest on hors · a hundreth & fyfti
Was chosene [MS. chosens.] to chiftans · & all of chefe [MS. chede, altered to chefe.] dukes,
Ordand of oure emperoure · his ostis to lede.
Line 3787
Þus pas he furthe with his princes · ser Porrus to mete,
In August eftir Iuli · as þe boke tellis.
