That myȝt me stande, but þou now here:
Therfore y rede on feyre manere,
Line 11740
That þou the ȝylde here to me
(My trowthe y schall plyght the,
That we schall euer frendys be)
And come wyth me to my cuntre:
Line 11744
I schall þe geue castels and feys,
Townes, borowghs and gode cyteys.'
¶ 'Syr knyght,' he seyde, 'let be þy fare.
So god me helpe owt of my care,
Line 11748
Of me schall þou wete nothynge
For heste nor for no sermonynge:
Thy hed schall of, be my crowne.
Wherof makyst þou so longe sermowne?
Line 11752
Vpon thys hylle haue y reuydde
Mony a man fro hys heuydde. [MS. hedde.]
Fownde y ȝyt neuyr no knyght,
That so well plesyd me in fyght,
Line 11756
But well y wote, or we haue done,
I schall þe geue full euyll dome
And þat olde churle also
(He ys thy fadur), so mote y goo. [folio 238a:1]
Line 11760
For sothe, lytyll he louyd the,
When he þe sende to fyght wyth me.
I schall hym make a gode present
Of thy hedde wyth gode entent:
Line 11764
Then schall y hys berde so schake,
That hys neck schall all tocrake.'
When Raynbowrn vndurstode ryȝt þore,
Þat he wolde reuerens hym no more,
Line 11768
As faste as he myght drye,
Vp he toke hys swyrde in hye.
On hys helme he smote so faste,
That a quarter all tobraste.
Line 11772
He was so stonyed, he myȝt not stonde:
