'Lo here my sorowe, let be þy fare:
Aske me now of thys no mare,
Line 8800
What y hyght or fro whens y came;
For to telle me thynkyth hyt schame.
Yf y my lyfe to þe schulde telle,
To longe here schulde y dwelle.
Line 8804
Whereto aske ye me soche thynge?
Thou mayste not me fro sorowe brynge.
I had leuyr haue some mete;
For y haue grete myster to ete.'
Line 8808
¶ Gye seyde: 'pylgryme, so mote þou the,
And for goddys loue in trynyte,
Telle me þy name, and lye noght,
And why þou art in soche state broght.
Line 8812
And Iesu, that ys myn affyawnce, [folio 218a:1]
May happe to geue þe ryȝt gode chaunce.
And owre mete schall y bye:
Ȝyt y haue lefte a penye.'
Line 8816
He answeryd: 'y schall the saye.
I wyll not lye, be my faye.
My name ys erle Tyrrye.
I was ryche, syr, sekerlye:
Line 8820
Now am y a wreche and a caytyfe,
Me forthynkyth, þat y haue lyfe.
All Loren was to me sworne:
In that londe y was borne.
Line 8824
I had a felowe, þat hyght Gyown:
Sythen god suffurde hys pascioun,
Was neuer, þen he, a trewer borne.
To be hys fere y haue sworne:
Line 8828
A trewer man was neuer beforne.
In Warwyke þere was he borne.
We were felows trewtheplyght:
We louyd well, hyt was ryght.
Line 8832
Twyes he sauyd me fro the dyeng:
He louyd me ouyr all other þynge;
