Mahoun, þat is god þin,
Teruagaunt & Apolin,
Line 1380
Þe blessi and diȝte
Be alle here miȝte!
Lo her, þe king Ermin
Þe sente þis letter in parchemin,
Line 1384
And ase þe letter þe telleþ to,
A bad, þow scholdest swiþe do!'
Beues kneuled & nolde nouȝt stonde
& ȝaf vp is deþ wiþ is owene honde.
Brademond quakede al for drede,
He vndede þe letter & gan to rede
Line 1390
And fond iwriten in þat felle,
How þat he scholde Beues aquelle.
Þanne seide Brademond to twenti king,
Þat were þat dai at is gistning,
A spak wiþ tresoun & wiþ gile:
'Ariseþ vp,' he sede 'a while,
Line 1396
Euerich of ȝow fro þe bord,
And wolcomeþ ȝour kende lord!'
