(12)
An R. for the Rose þat is frische and wol nat fade,
Bothe þe rote & the stalke þat is of grete honoure,
from normandie vnto norway þe leues do springe,
from irlonde vnto Estlonde me reioise þat floure.
Line 48
(13)
An E. for þe egile þat grete worship hath wone
Thorowe þe spredinge of his wengis þat neuer begane to flee,
There was neuer birde brede vnder þe stone
More fortunable in a felde þan þat birde hath be.
Line 52
(14)
An R. for þe Raged staf [(Warwik) The Bere is bound that was so wildFfor he hath lost his ragged staffe.Cotton Rolls, ii. 23, in Wright's Pol. Songs, v. ii. p. 222.] þat no man may a-Skape, from scotlonde to Calles, þerof they stonde in Awe, he is a stafe of stedfastne[s], bothe erly & latte To Chastes siche kaytifes as don ayenst þe lawe. Line 56
(15)
Nowe haue y declared you this lettr[e]s all xij [folio 135]
Accordyng to their condisciones whereuer þei ride or goo[n];
nowe thei be declared eche lorde be him self,
Their entent and purpos groundeth all in oon,
Line 60
(16)
That is, for to distroy tresson, & to mak a treue triall
Of theym that be-fawte & hurte vs all full sore,
And for þe welfare of Edward Rex moste riall,
That is þe verie purpos that we labure fore.
Line 64
(17)
And nowe, my frendes in eueri cost,
The grace and goodnes of þe holigost
Kepe you in sted[fa]ste charite,
And after this life, bryng you & me
Line 68
vnto euer-lasting Ioie; amen, for charit[e]! [[The poem on Women follows, which is printed in The Wright's Chaste Wife: 'Women, women, loue of women, make bare purs with some men.]]
EXPLICIT.
