(6)
iij ares for iij Richardes þat bene of noble fames;
A E. for Edward, men wote it is soo,
This ben the lettr[e]s of the iiij lordes names
The whiche all Englonde is myche bounden too.
Line 24
(7)
A .Ȝ. for yorke that was manely & myghtfull,
The whiche Grewe be þe grace of god & grete reuela|cion,
Raynyng with Rewles [A long f with a stroke through it stands here.] resenable and Rightfull,
The whiche for oure sake hathe sofferde grete vex[a]|cion.
Line 28
(8)
An .M. for marche, treue in eueri titell & triall, [folio 134b]
Growinge be eistricion, that worthi and wis is,
Concayued in wedlocke, & comen of blode rialle, [[Edward IV.]]
Ioyning vnto vertu, devode of vices.
Line 32
(9)
An S. for Salisbery, without any avision,
Riall in his reynyng, and riche in his Rente,
Brynging a man to a good conclucion,
Called for his wisdome patris Sapiente.
Line 36
(10)
A Doble W. for Warwike, þat god be his gide,
Who is called with þe comens their childe & þer deffence,
The boldest vnder baner batell to a-bide,
for þe righte of Englonde he dothe his deligence.
Line 40
(11)
An F. for þe feterlock þat is of grete Substance,
That hathe amendide many maters þorow his medi|acion;
In yrlonde & in walles, in englonde and in fraunce,
He Reynyed with Rewelis of Riall Repetacion.
Line 44
