(73)
¶ For þouȝ y cowþe al kunnynge ken, [page 218]
And speke with aungils tungë cleer,
And þouȝ y delide among poore men
My wordli goodis alle in feer,
Line 624
And ȝaf my bodi for to brenne
For loue of þee þat bouȝtist me dere,
Ȝit al þis profitiþ me not þen,
In loue and charite but if y weere.
Line 628
(74)
¶ And y woot it is more plesyng
To þee, ihesu, my souereyne lord,
Þat y loue þee ouer al þing,
And be in charite and acoorde
Line 632
With alle my neiȝboris, oolde & ȝyng,
Þan for to faste & goo wollewarde,
And heere alle þe massis þat preestis syng;
But if y loue, y gete no coumfort.
Line 636
(75)
¶ Alas! whi haue y so wraþful ben,
Þat loue myn herte myȝte not come hende?
I hatide hem þat me neuere dide teen,
Y loued not hem þat me good kende,
Line 640
I castide me no þing to be in þat meen; [page 219]
To loue myn enemyes, y wolde not entende;
But ȝit schal y hem neuere curse, y weene;
Merciful ihesu! y wole amende."
Line 644
(76)
(Christ's Tenth Complaint.)
"MAn, if þou wolt of bataile blynne,
And charite kepe in echë chaunce,
My merci soonë schalt þou wynne,
So þat þou do fruytis of penaunce.
Line 648
Loke þin herte be contrite with-ynne,
And sory for þi mys-gouernaunce:
What profiȝtiþ þee to schryue þee of þi synne
But þou in herte haue répentaunce?
Line 652
