(45)
¶"Wordli richesse, & rial repaire,
Iewels, and þingis, and myrþe of iolite,
Fischis, beestis, briddis of þe eir,
Þese þinkiþ þee semeli for to se.
Line 400
If þo þingis þat schulen perische & paire, [page 207]
Vnto þi sighte þus semeli bee,
Weel maist þou wite, y am weel faire,
Of whom ech þing haþ his bewte.
Line 404
(46)
¶"But, man, as þou wittlees were,
Þou lokist euere dounwarde as a beest;
It heeuyeth þee of me to heere,
Foule speche is to þee a feeste.
Line 408
I coumforte þee and make þe cheere,
And þou aȝenward louest me leest;
I calle þee to me ȝeer and ȝeer,
Ȝit wolt þou not come at my request.
Line 412
(47)
¶"As from þi foo, þou from me flees,
Y folewe feste, and on þee crye,
Þou wrappist þee wiþ vanytees,
And þinkist my speche is but folie:
Line 416
For þing þat nouȝt is, þou wolt leese [[MS. leesee]]
My ioie þat lastiþ euere eendeleesly.
Man, ȝit leue vice, and vertu chese,
And amendis make, or þou die."
Line 420
(48)
(Man's Sixth Answer.)
"SWeete ihesu, answere noon y can, [page 208] [Man.]
But ofte cry mercy with herte stable:
Alas for woo! whi is a man
weel worse þan a beeste vnresonáble?
Line 424
Alle bestis, siþen þis world bigan,
In kindeli worchinge ben duráble,
Saaf oonly I, of wittis wan,
Þat haue doon manye dedis ful dampnáble.
Line 428
