(33)
¶ "My waast expensis y wole with-drawe; [page 202]
Now, certis, 'waast' weel callid þei be,
for þei were spent, my boost to blowe,
My name to bere boþe on londe & see.
Line 304
Weel y woot me dare not trowe,
Þouȝ many a man of my countree,
If þei me mette, þei me not knowe,
Ne neuere ȝit herde speke of me.
Line 308
(34)
¶ "Fonnedli haue y wrouȝt, as a wretche vnwijs,
Where y myȝte haue gete me myche meede
Had y it spend in god-is seruyce,
On men diseesid, and almesdeede.
Line 312
But þoruȝ þi grace, lord, y wole rise;
For, haue y or myne, oure barë neede,
with the remenaunt, lord, at þi dyuyse,
þe poore & nakid y wole cloþe & fede.
Line 316
(35)
¶ "Sijke men þat liggen in god-is boondis,
Þat han noo siluer for to spende,
And prisoners bounden feet and hondis,
Ofte for to visite y wole to hem tende:
Line 320
Whanne y se how it with hem stoondis, [page 203]
Such as y haue, y schal hem sende;
But, lord, lete þese werkis be þi sondis;
For, merciful lord, I wole amende!"
Line 324
(36)
(Christ's Fifth Complaint.)
"MAn, if þou wolt amendis make, [God.]
Þan do þin almes of þin owne good,
And waite þou worchë no man wrake,
to venge anothir man-is mood.
Line 328
And þou vntruli from oon take,
And þerwith fynde fourty her foode,
Al suche sacrificis y forsake,
For þei ben to me as sour as sood.
Line 332
