(3)
And fourti ȝeer in wildirnes
Wiþ aungelis fodë y þee fedde;
Into þe lond of greet richesse,
To schewe þe louë, y þee ledde.
Line 28
¶ To do þe more of kyndënes
I took þi kinde, and noþing dredde,
I lefte my myȝt, & tooke meekenes;
Myn hertë blood for þee y bleed.
Line 32
¶ Thi soule to saue, þis lijf y ledde;
I boond my silf, þee to vnbinde;
Þus with my wo þi nedis I spedde;
Whi art þou to þi freend vnkinde? [page 83]
Line 36
(4)
For þee y ordeyned paradijs;
Ful riche was þin enfeffement;
How myȝtist þou me ony more dispise,
Þan to breke my cómaundement,
Line 40
¶ And synne in seuene maner of wise,
And to myn enemy so soone assent?
He putte þee doun, þou myȝtist not rise;
Þi strengþe, þi witt, awei is went!
Line 44
¶ Pore, nakid, schamed, & schent,
Þat frendschip myȝtist þou noon fynde
But me, þat on þe roode was rent;
Whi art þou to þi freend vnkynde?
Line 48
(5)
O Man, y loue þee! whom louest þou?
I am þi freend; whi wolt þou feyne?
I for-ȝaf, & þou me slouȝ:
Who haþ departide oure loue a tweyne?
Line 52
¶ Turne [page 84] to me! biþinke þee how
Þou hast goon mys! come hoom ageyne!
And þou schalt be as weel-come now
As he that synne neuere dide steyne.
Line 56
