(39)
"My waste expensis I wyll with-drawe, [folio 149b]
Nowe, sertayne, 'waste,' wele colyd þei be,
for þou were spent my boste to blowe,
My name to bere by londe and ssee.
Line 308
wele I wott me thought nat trewe
with many A man of my cuntre;
yff they me mett, they me nat knewe,
Ne neuer yett harden speke of me.
Line 312
(40)
"fondely haue I wrought & wyrchyd on wyse;
I myght haue goton mychë meede
had I spent hit in goddis seruyce,
On men diseisyd and almys deede.
Line 316
But thorowe thy grace I wyll A-Ryse,
for, haue I and myne, oure bare mede,
with the Remnaunt, lorde, at þy devyse,
the poore, the nakyd, to cloþe & ffeede.
Line 320
(41)
"Syk men that lyen in goddis bondis,
they haue no syluer for to spende,
And prisonners bounden with fete and hondis,
Offt for to vesyte I wyll hem Amende:
Line 324
what I see howe hit with hem stondis,
Suche as I haue, I shall hem fynde;
But, lorde, lett þy worke be þy bondis;
A, mercy, Ihesu, I wyll Amende!"
Line 328
(42)
(Christ's Fifth Complaint.)
"Man, yff thowe wylt Amendis make,
Do thyn Almes with thyne owne goode,
And wayte þou wyrkë no man wrake,
to venge Anodyr manys goode.
Line 332
yff thowe ontrewly frome one take,
And there-with fynde xl. her goode;
Suche sacrefysis I for-saake,
they been to me as sowre as soote.
Line 336
