(12)
¶ yf thow be fowle / I shall make [thee] clene,
if thow be seke, I shall the hele;
yf thow owght morne / I shall be-mene,
spouse, why will thow nowght with me dele?
Line 92
thow fowndyst neuer / love so lele;
what wilt thow, sowle / that I shall do?
I may / of vnkyndnes the appele,
Quia amore langueo.
Line 96
(13)
What shall I do now with my spouse? [folio 43b]
abyde I will hyre iantilnesse,
wold she loke onys / owt of hyr howse
of flesshely affeccions / and vnclennesse;
Line 100
hyr bed is made / hyr bolstar is in blysse,
hyr chambre is chosen, / suche ar no moo;
loke owt / at the wyndows of kyndnesse, [[Sol. Song, ii. 9.]]
Quia amore langueo.
Line 104
(14)
¶ Long and love thow neuer so hygh,
yit is my love more / than thyn may be;
thow gladdyst / thou wepist / I sitt the bygh,
yit myght thow, spouse / loke onys at me!
Line 108
spouse, shuld I alway fedë the
with childys mete? / nay, love, / nat so!
I pray the, love, with aduersite,
Quia amore langueo.
Line 112
(15)
¶ My spouse is in chambre, hald ȝowre pease! [[Sol. Song, ii. 7 and viii. 4.]]
make no noyse / but lat hyr slepe;
my babe shall sofre noo disease,
I may not here my dere childe wepe,
Line 116
for with my pappe I shall hyr kepe;
no wondyr / thowgh I tend hyr to,
thys hoole in my side had neuer ben so depe,
but Quia amore langueo.
Line 120
