that cryst was on do for oure goode,
Line 716
And the bed [MS. hed] of seynt Martyne,
An holy man þat tholyd pyne;
In that bed shall no man lye,
for he wole not þat hit be seye, [folio 162b]
Line 720
Ne touche-hit with no manis hande, [This line is repeated after the next.]
for hit is prevy, I vndyrstande.
Suche bed of penaunce I not no moo,
to A plase of [MS. of of] the postyllis twoo—
Line 724
cryste us kepe owte of woo!— [Seemingly l. 725 should follow 723, and be followed by a line like 'Now lat us forthe goo.']
fyrste of constantyne hit was sett,
And sythen herytykis done hit bett;
Pelagius and pope Iohn,
Line 728
they dede hit Rere vp Anone,
And yave there-to grete pardoone,
for there lyethe many A seynt of grete Renowne,
phylype and Iacobe in shryne,
Line 732
Sent eugenie þe holy vyrgyne,
Seint sabasabyne, wrote wee fynde,
And the tabarde of thomas of Inde:
An arme of seynt blase is there,
Line 736
And odyr relykys many and sere.
two thowesande yere, yf þou wolt crave,
Eche day there myght þou have,
And on eche Apostyllis day
Line 740
this pardoon is dowbyld, I the saye.
At seynt bartylmewe þou myȝte have
A thowesande yere yf þou wolte crave;
there lyethe his bodye on þe hye Auter:
Line 744
wele is hym that comythe there.
at seynt mary Rotounde
there is A chyrche fayre I-founde;
there is wryttyn, I yowe saye,
Line 748
In o sonday that is in maye;
