- (33)
- An olde commyn woman, if the lawe woulde suffyr, shulde be buryed quyke.
- (34)
- A costefull clothe is tokyn of poverte.
- (35)
- A sity garment is yrkesome to neybors.
- (36)
- Pleace with thi dedys rathir than with thy clothis.
- (37)
- A woman havyng clothis, & evir desyryng mo, lakkyth stedefastnes.
- (38)
- Holde hym thy bettir frende, [folio 64b] that rather geuith his goodys, than hym whiche offerth the his persoone.
- (39)
- Holde not [him] thy Frende that praysith the, present.
- (40)
- Yiff thow cowncel thy frende, folowe reason, & not his plesure.
- (41)
- Sey not to thy frende "do thus," but "me thynkyth thow mytyste do thus"; For yf ought fall a-mysse, thowe mayste soner be blamyd, than shuldyst be thanckyde yf thy councel avaylede.
[Nota.] Se what folowth to them that love mynstrels.
- (42)
- A man that Intendyth to mynstrels, shall soone be weddyd to poverte, & his sonne shall hyte derisioun.
- (43)
- Iff mynstrels pleace the, feyne as thow herde them, but thynke vppone a-nother.
- (44)
- He that lawith at a mynstrels worde, gevith to hym a wedde.
- (45)
- Rebukyng mynstrels ben well wurthy dethe.
- (46)
- Instrumentis of mynstrelsy seldome doth pleace god.
- (47)
- Put from the a proude servaunte, as hym that shulde be thy enemye.
- (48)
- Allso repelle that seruavnte that vsith to blaundysh the.
- (49)
- Wythstande the seruaunte that praysith the, for ellys he thynkyth the for to deceyve.
- (50)
- Loue that servaunte as thy childe, that sone is ashamyde.
- (51)
- Yf thou wilte bylde, let necessite induce the ther-to, and not luste of howsynge.
- (52)
- Covetyse of byldyng, in bildyng is not lessid.
- (53)
- Inordynat [MS. In inordynat.] bilding causith hasty sale of placys.
