Charite falliþ neuere a-way
From him þat it in charite wole holde,
Bifore ne aftir domys day,
But encressiþ in blis an hundrid folde.
Line 92
¶ Whanne al tresour is tried & tolde,
Al help to blis is in þese þre,
Feiþ, hope, & charite, noþing colde;
Þe mooste of hem is charite.'
Line 96
Bi charite, man, þou must loue more
God þan silf, þe sooþ to say,
For þis is þe lord-is owne lore,
With al þi power him please & pay;
Line 100
¶ Thi neiȝbore also, wiþ-oute nay,
Loue as þi silf saaf to bee;
To freend & fo holde faste þi fay,
And chaunge þou neuere fro charite.
Line 104
If we þis lessoun we loue & leere,
And take it truli to oure entent,
We schulen haue knowinge good & cleere
Who ben blamelees & who ben schent.
Line 108
God, þat hast us oure lijf lent,
Graunte þat we may oure [page 47] silf to enserche & se,
As þou for us on roode were rent,
Þou chese us to þee for charite. [["Euery man schulde teche þis lore," printed pp. 104-5, follows here in the MS.]]
Line 112
A-M-E-N.
