But euermore do good for ille:
Þis is þe fifthe comaundement.
Line 24
¶ Do no leccherie in al þi lijf;
Lete fleischeli knowynge from þee be lent
Saue oonli bi-twene man & wijf:
þis is þe sixte comaundement.
Line 28
¶ Þou schalt not stele no maner of þing,
Ne helpe þerto bi no consent.
Leue alle fals mesuris & al gilinge:
Þis is þe .vij. comaundement.
Line 32
¶ Þou schalt beere no fals witnes
For no mater þat may be ment;
Seie euere þe soþe, or holde þi pees:
Þis is þe .viij. comaundement.
Line 36
¶ Þou schalt not coueite þi neiȝboris good,
As hous, lond, catel, ne rent,
In hindringe of him & of his blood:
Þis is þe .ix. comaundement.
Line 40
¶ Þou schalt not desire þi neiȝboris feere,
Ne falsli his seruaunt from him hent,
Ne no good þat [page 49] he hath heere:
Þis is þe .x. comaundement.
Line 44
¶ Þese ten to kepe, þou ȝeue us grace
Þat on þe roode was al to-rent,
In-to his blis þat we mowe passe
At þe laste day of Iugement. [["I Warne eche lijf," p. 107, &c., of this print, follows here in the MS.]]
Line 48
