¶ Undir pilate þou suffridist peyne
Bi fre wil, mankinde to saue,
Nailid on a croos, & þeron slain,
And taken doun & biried in graue.
Line 20
¶ In soule oonli þou wente to helle,
& took þens þi part, it was good riȝt,
But up þou roos in fleisch and in felle
Þe þrid day bi godli myȝt.
Line 24
¶ Þou stiȝ to heuen in þi manhede,
And þere þou sittist on þi fadir riȝt side,
But ouer al-where is þi godhede,
Þere is noon þat from þee him may hide.
Line 28
¶ Þens schalt þou come us alle to deeme,
Boþe quik and dede of adams seed.
With opene woundis & visage breme;
Þis bileeue makiþ true men drede.
Line 32
¶ I bileeue in þe holi [page 41] goost,
Þe þridde persoone in trynyte,
Of which þre noon is more ne moost,
But al oon god in persoones þre.
Line 36
¶ Þe holi goost makiþ holi chirche
Of feiþful men, bi comynynge
Ech oon to oþir what þei kunne worche
In holines and good lyuyng.
Line 40
¶ Forȝeeuenes y bileeue of synne
Bi þe holi goost and þe sacrament,
If y maye goostli to hem wynne,
Or ellis him silfe is euere present.
Line 44
¶ Þouȝ he neuere so present be,
Ȝit he wole for ful meekenes
