Sen vourschipfull Wawane has wonnyn to your handis
The senyory in gouernyng,
Line 1320
Cumly conquerour and kyng,
Heir mak [I] yow obeising,
As liege lord of landis.
CIII.
"And syne fewte I yow fest, without fenyeing,
Sa that the cause may be kend, and knawin throw skill;
Line 1325
Blithly bow and obeise to your bidding,
As I am haldin, to tell treuly, thair till."
Of schir Gologras grant blith wes the king,
And thoght the fordward wes fair, freyndschip to fulfil.
Thair schir Gawane the gay, throu requiring,
Line 1330
Gart the souerane him self, semely on syll, [on saill.]
Cary to the castel, cleirly to behald,
With all the wourthy that were,
Erll, duke and douch-spere,
Baith banrent and bachilere,
Line 1335
That blyth war and bald.
CIV.
Quhen the semely souerane wes set in the saill,
It wes selcouth to se the seir seruice;
Wynis wisly in wane went full grete waill
Amang the pryncis in place, peirles to price.
Line 1340
It war teir for to tel, treuly in tail,
To ony wy in this warld, wourthy, I wise.
With reualing and reuay all the oulk hale,
Also rachis can ryn vndir the wod rise,
On the riche riuer of Rone ryot thai maid;
Line 1345
And syne, on the nynte day,
The renkis rial of array
Bownyt hame thair way,
With outin mare baid.
