The ble of his bright weid wes bullerand in blude.
Thair with the nobill in neid nyghit hym ner,
Straik hym with ane steill brand, in stede quhare he stude;
The scheld in fardellis can fle, in feild away fer;
The tothir hyt hym agane with ane hard swerd.
Line 1020
As he loutit our ane bra,
His feit founderit hym fra;
Schir Gologras graithly can ga
Grulingis to erd.
LXXX.
Or euer he gat vp agane, gude schir Gawane
Line 1025
Grippit to schir Gologras on the grund grene.
Thair of gromys wes glaid, gudly and gane,
Lovit Criste of that case with hartis sa clene.
Ane daggar dayntely dight that doughty has drawne,
Than he carpit to the knight, cruel and kene:
Line 1030
"Gif thou luffis thi life, lelely noght to layne,
Yeld me thi bright brand, burnist sa bene;
I rede thow wirk as I wise, or war the betide."
The tothir ansuerit schortly:
"Me think farar to dee,
Line 1035
Than schamyt be, verralie,
Ane sclander to byde.
LXXXI.
"Wes I neuer yit defoullit, nor fylit in fame,
Nor nane of my eldaris, that euer I hard nevin;
Bot ilk berne has bene vnbundin with blame,
Line 1040
Ringand in rialte, and reullit thame self evin.
Sall neuer sege vndir son se me with schame,
Na luke on my lekame with light nor with levin, [nor with leme.]
Na nane of the nynt degre haue noy of my name,
I swere be suthfast God, that settis all on sevin!
Line 1045
