Thai mighty men vpon mold ane riale course maid,
Quhill clowis of clene maill
Hoppit out as the haill;
Thay beirnys in the bataill
Line 685
Sa bauldly thai baid!
LIV.
Thai bet on sa bryimly, thai beirnys on the bent,
Bristis birneis with brandis burnist full bene;
Throu thair schene scheildis thair schuldiris var schent,
Fra schalkis schot schire blude our scheildis so schene;
Line 690
Ryngis of rank steill rattillit and rent,
Gomys grisly on the grund granis on the grene.
The roy ramyt for reuth, richist of rent,
For cair of his knightis cruel and kene,
Sa wondir freschly thair force thai frest on the feildis!
Line 695
Sa huge wes the melle,
Wes nane sa sutell couth se
Quhilk gome suld gouern the gre,
Bot God that al weildis.
LV.
The wyis wroght vthir grete wandreth and weuch,
Line 700
Wirkand woundis full wyde with wapnis of were;
Helmys of hard steill thai hatterit and heuch,
In that hailsing thai hynt grete harmys and here;
All to-turnit thair entyre, traistly and tewch,
Burnist bladis of steill throw birneis thay bere;
Line 705
Schort suerdis of scheith smertly thay dreuch,
Athir freik to his fallow, with fellonne affere;
Throw platis of polist steill thair poyntis can pase.
All thus thai threw in that thrang
Stalwart strakis and strang;
Line 710
With daggaris derfly thay dang,
Thai doughtyis on dase.
