Thare anerdis to our nobill, to note quhen hym nedis,
Line 410
Tuelf crovnit kingis in feir,
With all thair strang poweir,
And mony wight weryer,
Worthy in wedis.
XXXIII.
"It has bene tauld hym with tong, trow ye full traist,
Line 415
Your dedis, your dignite and your doughtynes,
Brevit throu bounte for ane of the best
That now is namyt neir of all nobilnes,
Sa wyde quhare wourscip walkis be west.
Our seymly souerane hym self, forsuth, will noght cese,
Line 420
Quhill he haue frely fangit your frendschip to fest;
Gif pament or praier mught mak that purchese,
For na largese my lord noght wil he neuer let,
Na for na riches to rigne.
I mak you na lesing,
Line 425
It war his maist yarnyng
Your grant for to get."
XXXIV.
Than said the syre of the sail, with sad sembland:
"I thank your gracious grete lord and his gude wil;
Had euer leid of this land, that had bene leuand, [Had neuer.]
Line 430
Maid ony feute before, freik, to fulfil,
I suld sickirly myself be consentand,
And seik to your souerane, seymly on syll.
Sen hail our doughty elderis has bene endurand,
Thriuandly in this thede, vnchargit as thril,
Line 435
If I, for obeisance or boist, to bondage me bynde,
I war wourthy to be
Hingit heigh on ane tre,
That ilk creature might se,
To waif with the wynd.
Line 440
