The brief Rehearsal of receipts and payments.

Rest dewe to the Chirche of all this parselles, xiij li ix s ij d ob.

Of the which som the seid thomas Colyns hath paid in mony xiij l vj s viij d, & the seid parishons have grauntid to hym as for the Rest of the seid acompt, which is ij s vjd ob, shall be leeful to hym to levy it at his owen charge & vse, & he to re.. ysse? [unclear] it to his owen profytt &c. yef he can gett itt.

✗Ihesus.

Wherof ther ys owyng thys yere in dettors handes and in plegges theys parcelles foloyng:—

This acommpt, made the xxx day of decembir, in the presence of Master William Remygton, aldirman; Iohn Milton, Bakar; Thomas hunt, draper; Iohn derham, grocer; Robert howtyng, ffishmonger; Gylbart gentill, draper; Iohn halhed, grocer; Thomas wattes, draper and chirchwardeygne, with thomas Colyns, chirchewardeygne; the which thomas colyns hath reqwyred to have a lesse in the howsses at þe Roose for xxti yere, payng by yere vli at iiij termes vsuall. Also to Repeyre & to pave the kechyne and to farme the Siege and to Repeyre the well; which lesse is grauntyd by the seid persons with Mr Iohn Redye, parishe preste, as þe parsons deputie, beyng present. And Iohn Russell, Skynnar, also, &c. Item. Thomas hunt, draper, shal hafe a lesse of his housse for xxti yer, payng iij l vj s viij d, kepyng all maner of reparacions with principalles, and other on hys owen propyr costes duryng the seyd teerme. And yef it happyn the Seid howse to dekeye or fall down in the seid yeres; þan it is agreyd & concludid by the seid parishons þer beyng present, & by his owen agreement, alsoo to byld it newe of his owen propir costes; at the lattyr ende of hys termes to leeve þe house tenaunt lyke as it was att hys enteryng, or in better caase, &c.