'It were to late now to begynne.'
Pilgrim: [[St., om. C.]]
"God me [[me St., om. C.]] grauntë grace and mynde,
good herbergagë forto fynde;
Line 24716
for now I haue ynowh to do,
of veray cónstreynt and of wo,
to remembre on [[oon C., on St.]] my siknesse."
and with that word, ther gan in dresse
Line 24720
oon vpon my bed anoon,
the cruelist of al my foon;
of whom in soth, whan I took hede,
I lostë speche, of veray drede:
Line 24724
I myghtë [[myght C., St.]] make no questïoun
to axen hir condicïoun,
she was so dredful of hir chere:
a sithe she bar, and ek a bere;
Line 24728
sette hir foot vpon my brest,
for to maken on me arest. [[Blank in MS. for an Illumination.]]
but than [[St., C. burnt.]] a lady of gret vertu, [folio 307b]
that was called Gracë dieu,
Line 24732
bad hir a wylë letë be,
whil that [[that St., tha C.]] she spak a word to me.
Deathe: [[St., om. C.]] [[See the French on p. 665.]]
'Sey on, and tarye neuer a del;
for I may not abiden wel.
Line 24736
I haate soothly al taryyng;
and I ne love non ábidyng.
the cause is this, (who taketh hede)
I ha mo thyngës forto spede,
Line 24740
In other places mo than oon;
wherfore telle on, for I mot goon.'
[Grace Dieu]: [[Pilgrim St., om. C.]]
Gracë dieu, hir look she layde
Vp-on me, and thus she sayde:
Line 24744
'thou stanst vpon a streyt passáge,
now as in thy pilgremáge.
Deth is present, as thou maist se,
fro the which, no man may fle.
Line 24748
she is of contynaunce odyble, [Stowe folio 379a]
