'and makë hem go loos at large.
Line 24404
'therfore folkës alle acorde
to callë me 'Miséricorde';
of which (by declaracïoun)
to make an exposicïoun,
Line 24408
Misericordë, truëly
ys, on wrecches to han mercy.
'thus my namë [[this nam St.]] thou shalt knowe;
I drawe hem vp, whan they ben lowe.
Line 24412
the cordeler that waf [[wave St.]] the corde
of pes, vnyte, and concorde,
only on wrecches to han pyte,
hyr name was called 'Charyte.'
Line 24416
'and yef the corde wer broke a-sondre,
ther is nó man, (her nor yondre,)
though he euere dide his peyne,
that myghtë [[myght C., St.]] to the heven atteyne;
Line 24420
for, by this corde (as I the told)
allë Synners must hem hold,
and playnly clymben vp therby,
oonly of pyte and mercy.'
Line 24424
Pilgrim: [[St., om. C.]]
"lady, put me out of doute,
why ha ye now drawen oute
Oon of your brestës fayr and whyte [folio 303a]
(which to behold, I me delyte,)
Line 24428
like as ye woldë be my bote,
wasshe me with your mylk most sote?"
Misericord: [[St., om. C.]]
'Truely,' quod she '(yef ye take hede,)
of my mylk thou hast mor nede
Line 24432
(yef the trouthe be iustly told)
than outher of siluer, outher [[or St.]] of gold,
or of any precious ston,
forto rekne hem euerychon.
Line 24436
for this mylk which thou dost se, [Stowe folio 376a]
ys called Mercy and Pyte,
allë Synners to sustene;
and to releve hem in their tene,
Line 24440
it [[it St., a C.]] bryngeth hem in rest and [[& St., om. C.]] pees.
