'and make a mittigacïoun
Line 24364
(as folkës may ful wel discerne).
'for whan the kyng that is eterne, [[eterne St., sterne C.]]
had yoven [[yove C., gyven St.]] in sentëment
a ful dredful Iugëment
Line 24368
of Adam and [[and St., on C.]] the lynage,
forto deye for their outrage,
I cam to hym ful humblely,
and prayed hym ful benygnëly,
Line 24372
the myghty kyng celestial,
not forto distruyen al;
but that he wold, in his grevaunce,
modefyen his vengeaunce,
Line 24376
and to with-drawe his Iugëment.
'and his bowë that was bent,
I made hym drawë of the corde,
and, for sygnës [[sygns C., sygne St.]] of concorde,
Line 24380
Sette it in the heven alofte;
and (as men may se ful ofte)
In tookne of pes, and not of wrak,
from vs he tourned hath his bak, [Stowe folio 375b]
that, of his mercyáble lawe,
Line 24385
he may not the bowë drawe,
whan of mercy (as it is knowe)
toward hym-self he drough the bowe.
Line 24388
'whan he, for our Inyquyte,
dyed vpon the rodë tre,
he bought our gilt so sore. [[6-syllable line]]
and vnderstond, ouer more, [folio 302b] [[St. & C.]]
Line 24392
vp nor doun (who lokë wel)
he may not drawe it neuer a del.
for, of the bowë the discord,
vnderstondë by the cord:
Line 24396
I made hem so forto acorde,
that called am 'Misericorde.'
for (yef thou dost [[canst St.]] wel vnderstond)
the stryng therof is in myn hond:
Line 24400
thou mayst behold it wel, and se;
for, of mercy and of pyte,
I drawe out wrecches from her charge,
