'boyllyng with many sturdy wawe;
Wher the water gan withdrawe.
Line 24064
'but the Raven fond a kareyn;
therfore he cam not agayn. [folio 297b]
and I stonde in the samë caas,
abyde, and synge alway 'cras, cras,' [[C. & St.]]
Line 24068
makyng many fals delayes, [[C. & St.]]
and prolongë forth my dayes, [[C. & St.]]
forto Resorten hom ageyn,
and spendë [[spend C.]] thus my tyme in veyn.'
Line 24072
Pilgrim: [[St., om. C.]]
"Thy werkës (yef I shal not tarye)
ben vnhappy and contrárye;
and thyn handës, bothë two,
ben yperced þorugh also.
Line 24076
greyn nor frut, vpon no syde,
In no wysë wyl abyde;
for shortly (who so list to sek)
al goth thorugh, and wasteth ek. [[seke . . eke St.]]
Line 24080
Who-so-euere the trouthe atame,
thy tonge is dampned, and ek lame,
that it may seyn noon orisoun,
nor make no supplicacïoun,
Line 24084
Which sholdë ben acceptable
vnto that kyng most honourable.
he is not plesed, (on noo syde,)
Whil in this staat thou dost abyde,
Line 24088
and hast no purpos to Retourne, [[for to tourn St.]]
but in the world dost ay soiourne."
Apostacie: [[St., om. C.]]
'Truëly, to thy sentence
I may yevë ful credence;
Line 24092
for Seynt Poule hym-silfë [[selfe St., silf C.]] saith,
(to whom, men must yevë fayth,
and ful belevë to his word,) [Stowe folio 372b]
'who is not withynne shippes [[syppes St.]] bord,
Line 24096
stant in perail of Perysshyng,
and on the poynt of his drownyng,'
fel fer from his savacïoun,
ffor lakkyng of discrecïoun. [folio 298a]
Line 24100
