'which whilom, of entencïoun,
madë my professïoun,
In al my bestë [[best C., St.]] feythful wyse,
for to ha do [[done St.]] truely seruyse
Line 24028
duryng my lif, vnto the kyng
that is most myghty of werkyng.
'I sette myn hand vnto the plough; [[plughe St.]]
Line 24031
But I haue hym falsed ynough, [[ynughe St., nough C.]] [folio 297a]
tourned the bak (as thou mayst se)
vnto wordly [[worldly St.]] vanyte,
left myn homage, trouth and al,
and am kome doun ouere the wal
Line 24036
for vayn glorie (out of doute);
In many countre roune [[round St.]] aboute,
of entent, for to purchaas
prosperite and vayn solas.
Line 24040
'and yet ful ofte (in many caas,)
myn entent and purpos was,
fro worldly glorie, fals and vayn,
to haue tourned hom [[? MS., hem C., them St.]] agayn,
Line 24044
and amended my livyng
In the seruyse of the kyng;
but truely (it is no nay) [Stowe folio 372a]
the Ravoun [[raven St.]] was euere in my way.'
Line 24048
Pilgrim: [[St., om. C.]]
"Truely, and thou dedest wel,
thou sholdest lette neuere a del
for to delayë so thy paas.
thaugh that he crye on thé, 'cras, cras,'
Line 24052
thou sholdest [[shulst St.]] remembre thé among,
and take noon hede vnto his song."
Apostasie: [[St., om. C.]]
'The trouthë [[trouth C., truthe St.]] forto specifye,
I folwe, in [[in, om. St.]] myn Apostasye,
Line 24056
In my passage vp and doun,
the Ravenës condicïoun,
that whilom was of Noe sent
out of the arkë, of entent
Line 24060
to beholden how it stood,
of the deluge and the flood
