'Such abusïouns to se,
and their superfluyte
Line 23684
to kutte away, which that thei vse,
and their goodes to ámenuse.
'The Aungels han hem take away,
Which thou mettest this same day,
Line 23688
With gretë somers in sothnesse,
ledyng away the gret Richesse,
to parte it (of entencïoun)
to folk that in deuocïoun
Line 23692
lede her livës in comune,
and in deuocioun do contune;
such as in god gretly delyte,
fro good to bet alway profyte.
Line 23696
'figure herof, ye may se,
how that by olde Antiquyte,
the bible ful wel can you tel,
how the childre of Israel
Line 23700
took of Egypt the Tresour
In recompense of her labour. [Stowe folio 368b]
As for guerdoun, by dwëte
Whan they passed the redë Se, [folio 292a]
Line 23704
they tooke in thyng by Robberye,
as clerkës list to specifye;
they barë [[bare St., bar C.]] with hem gret substaunce,
only by Goddës ordynaunce,
Line 23708
Egipciens (it is no drede)
Were not worthy it to possede.
'and som folk deme off Resoun,
that folk that haue possessïoun,
Line 23712
and ben cursed of livyng,
It is leful (by their demyng)
forto spoylle hem duëly,
and yeve it hem that ben worthy.'
Line 23716
Pilgrim: [[St., om. C.]]
Touchyng that oppynyoun,
thus I answerd of Resoun:
"god ne doth nat thus alway,
who that conceyveth, day by day;
Line 23720
for ther ys many an vsurer
