'for, ageyn ryght and al Resoun,
by force and vsurpacïoun,
Line 23644
she hath forsake the vnyte
of fraternal antiquyte,
by perfeccïoun to contune
to haue hir goodës in comune.
Line 23648
'but this fals Abusïoun,
only by vsurpacioun
In Religioun (who list se),
fonde out the vice of propurte,
Line 23652
Which is thyng most vicïous,
rennyng among religïous, [Stowe folio 368a]
Which causeth ofte discord and stryf,
contrary to Thapostles lyf.
Line 23656
'In propurte (ye may ther rede)
thei ne dide nothyng possede;
her good was comoun, in certeyn.
Wherfore the Spon that thou hast seyn
Line 23660
ys callede 'Syngularyte,'
thyng to possede in propurte;
to gedre the fattë (thus I mene,)
vnto hir self, and leve the lene:
Line 23664
As the Prophete Ezechiel,
to the sheperdes of Israel
Spak and wrot, ful yore a-go:
'Sorwe be to you, and wo, [folio 291b]
Line 23668
that ne take to nothyng hede,
but your silven [[selvs St.]] forto fede;
not lik sheperdes of cristus hous;
but verray wolvës Ravinous,
Line 23672
liggyng awayt, bothe nyght and day,
forto devoure what thei may:
they takë bothë mylk and wolle;
and the fatte, away thei pulle
Line 23676
with the spoon of cruelte
ycalled Syngularyte,
thei Robbë pantener and purs,
and gete hem oftë Cristes cours. [[curs St.]]
Line 23680
'ffor which cause, I, Abusïoun,
ám come of entencïoun
