'for their offences; this the fyn:
ther goodës drawen to declyn;
for thei be Rekles of livyng
forto serue that noble kyng;
Line 23568
and, for slouth and necligence,
they doon in o thyng gret offence.
ffor wher the lord (in his degre)
Duely shuld honnourëd [[honoryd shuld St.]] be,
Line 23572
the place is not, with diligence,
Clenly kept with reuerence;
for beforn, and ek behynde,
Yraynes and webbës men may fynde;
Line 23576
and also ek, (yef thou take hede,)
Swalwes and othre bryddës brede;
and also ek (through al their boundes)
dong of doggës and ek of houndes,
Line 23580
nettles and wedës round aboute,
in cymyterys ful gret route,
lich a disert or places [[place St.]] wilde,
wher no man hath lust to bilde,
Line 23584
Replevisshëd of al ordure,
as it were withouten cure;
and many oother dishonestës,
bestial in ther degres,
Line 23588
mor than I can here devyse.
'ánd crist ihesus dede iustyse
on hem that in the temple solde:
becausë oonly thei were bolde
Line 23592
to done dishonnour to his hous,
he was in party Regerous,
As the gospel kan you telle;
he bett hem out with a flagelle,
Line 23596
That noon of hem durst abyde.
'Wherfore this halte that here is guyde, [folio 290b]
list nat, of hir frowardnesse,
suchë [[suche St., such C.]] thyngës to redresse,
Line 23600
nor do seruyse in hir werkyng
for tentende vpon the kyng:
her look, hir cher, (as ye may se,)
is vpon worldly vanyte,
Line 23604
