'of vertu, bilden in the place;
for, save to play and to solace,
I dar sey she, in hir werkyng,
Intendeth to noon other thyng.' [[St. & C.]]
Line 23492
The Pylgrym:
"Ma dame," quod I, "to my semyng, [folio 289a]
this placë first, in his bildyng,
(Who consydereth euerydel)
the masounry was nat maad wel,
Line 23496
Was not duely maad, nor stable,
Sith it is not parmanable."
Grace Dieu: [[St., om. C.]]
'Touchyng the bildyng, tak good heed:
the masounry, (it is no dreed,)
Line 23500
I dar ful wel thy-self assure,
it was maad for to endure,
and to haue last [[lust C., last St.]] for many yer,
Save oonly the morter
Line 23504
Was not iustly (as I ha sayd)
stably among the stoonës layd,
ffounded vpon true entent
more stedfastly than is cyment.
Line 23508
'It was first maad of orisouns,
of fastyng and affliccïouns,
to holde the cloystre round about
by stablenesse, and not gon out
Line 23512
into the world, vagabound, [Stowe folio 366b]
the edifices to confound;
but in their cloystres stille abyde
in mekënesse, and not in pryde,
Line 23516
Haue their frequentacïouns
in prayër and in orisouns;
erly on morwen to aryse,
in vertu to haue excercyse;
Line 23520
and at festës more and lasse,
oftë tymës syngë masse.
'this was whilom, (I you ensure,)
of their morter, the temprure,
Line 23524
founded vppon charyte,
on concord and fraternyte,
