The Aungel: [Stowe folio 365b]
Quod thaungel, 'as it is due,
her, in hast, she shal vs sue.' [[Blank in MS. for an Illumination.]]
Line 23416
And in my way so I me bar,
that I fonde hir in hir char;
and a-mong hir folkës alle,
benignëly [[benyngly St., benigly C.]] she gan me calle,
Line 23420
and bad I shold ek ha no fere
to tellë what I dedë there.
The pilgrym:
And I answeryd [[answeryd St., answerd C.]] anon ryght,
how I wente to haue a syght
Line 23424
of sondry castelles (it is no doute,)
that in the countre stood aboute,
and of folkës gouernaunce,
that ther abood for her plesaunce.
Line 23428
Grace dieu: [folio 288a]
Graciously, y-wys, quod she,
'Now thou hast yfounden me
toforn or that I was ago.
but (withoutë [[without C., St.]] wordës mo),
Line 23432
come and folwe on after me,
and many thyngës thou shalt se.'
and she ladde me, vp and doun,
by many diuerse mansïoun,
Line 23436
In cloystres, as wentë tho
Round about, to and fro: [[6-syllable line]]
ther I saugh vertues and ek vices,
and many dyuerse edifices.
Line 23440
I saugh ther places ruynous,
and to dwelle in / perillous.
she shewed me, on our walkyng,
an oldë lady ther haltyng,
Line 23444
and (as by her contenaunce,)
She haddë ther gret gouernaunce:
she bar a Rewle of a masoun,
and pleyed by derysïoun,
Line 23448
and (as I coudë tho espie)
by a maner mokerye.
