and ther [[ther St., om. C.]] I fond ful gret foysoun
Of many dyuers Religyoun;
and I saugh, of many oon,
The gretë bondës euerychon
Line 23380
broke, that shuld hem wel conserve,
yef they wold hem wel observe,
Kepe hem from al aduersite,
as here-to-forn ye dedë se,
Line 23384
Whan the smale wikres [[wyrks St. (See p. 588, above.)]] brak,
The hopës wenten al to wrak,
And many shippes for lak, allas,
Was yperysshed [[peryshyd St.]] in the same cas,
Line 23388
and brought vnto confusïoun,
(toforn as is maad [[made is St.]] mensïoun)
for lak in their gouernaunces,
Nat kepyng their obseruaunces.
Line 23392
And her-vpon I ferther wente
to senë [[sene St., sen C.]] more (in myn entente).
And withyne a litel space
I cam into a noble place;
Line 23396
and at the gate I saugh somers;
and on hem sittë, [[sat St.]] fressh of chers,
Aungels, of gret vertu; [[6-syllable line]]
and hafter hem, kam Gracë Dieu,
Line 23400
fresshly Ridyng in a char.
and the gate (I was wel war)
Of the castel stood vnshet. [folio 287b]
and truëly, whan I had met
Line 23404
the Somers, I gan enquere [[C. & St.]]
of oon, that he wold[ë] lere [[C. & St.]]
goodly, and informë me, [[C. & St.]] [Stowe folio 365a]
whos the somers sholdë [[shold St.]] be, [[C. & St.]]
Line 23408
Which hadde, vpon hir weye, [[C. & St.]]
Aungels hem to conveye, [[6-syllable line]] [[C. & St.]]
Only for to make hem strong.
The aungel:
'To Grace Dieu,' quod he, 'they long.'
Line 23412
The pilgrym:
Quod I to oon that rood behynde,
"telle me wher I shal hir fynde."
