Mercy was hound, & eke Pitie,
Line 23176
whiche lykyd me nothyng well.
and Scilla cawsyd everydell;
for my sorow and my grevaunce
was to her full gret pleasaunce;
Line 23180
and it grevyd hir full sore
that I haddë [[MS. had]] harme no more; [Stowe folio 362b]
and she (of indignatïon,)
made a quarell to Treason,
Line 23184
that she dyd no more vengaunce,
to encrese my wofull chaunce.
wherfore I (in myn entent)
I axyd a ryghtfull iugëment,
Line 23188
cast my gage tofore the kynge,
to have amende of all this thynge;
and, for this great transgressïon,
I made a-pele vppon Treson;
Line 23192
and complaynynge thus my wo,
I lay, and turnyd to and fro,
maymyd in so mortall wyse
that I myghtë [[myght St.]] nat aryse
Line 23196
on my fete, for gret destrese;
and vpreard my-selfe to drese.
I madë me a leg of tre
to rysen (yf it wold ha be);
Line 23200
and that leg (in my discese)
dede me after full gret ese;
for, to my gret confusïon,
lost I haddë [[had St.]] my bordon;
Line 23204
I mist not wherë, in serteyn,
tyll Gracë Dieu it brought ageyn,
whiche that found it on a day
at the turnynge of a waye.
Line 23208
and in thes wofull áuentures,
as I anoynted my bresures,
complaynynge early on a morow,
as I lay, and madë sorowe,
Line 23212
when phebus, with his bemës bryght,
gilt the hyllës [[hylls St.]] with his lyght,
to chase the mystës that were derke,
