'to make hym halten in some syde;
Line 23136
whiche so sorë shall hym greve,
that he shall not mowe releve.'
'Sothly,' quod tho Treason,
'that good was hir oppinion.'
Line 23140
and when she hadd hir talë do,
echon they accordyd well therto;
the houndës [[hounds St.]] stoden at abaye
and gan barke, by gret affray.
Line 23144
and at[të] last, Detraccïon
made myn hors to falle a-doun,
and to halten in swyche wyse
that I myghtë [[myght St.]] nat a-ryse:
Line 23148
withe a tonge of a serpent
myne horse and I were bothë shent;
And doun at erthe, in gret affray,
amonge the houndës ther I lay.
Line 23152
and aftar (by great felonye)
I was assaylyd by Envye;
and with thre sperës sharpë ground,
she gave to me many a wound.
Line 23156
and of Scilla, the cruell hounds,
gaue me many mortall wounds;
I was to-torne with ther chas.
and than cam Treason with hir mas,
Line 23160
hevy as a clobbe of leed,
and ther-of set me on ye hede;
lege and arme she brake in twayne,
that yet I fell the gretë [[gret St.]] payne
Line 23164
of that ylkë mortall stryffe,
and shall felle it all my lyffe.
and whill I lay thus in a traunce
of grete anoye and grete grevaunce,
Line 23168
those oldë [[old St.]] vekkës dispitious, [[No gap in MS.]]
they me left in full gret drede,
wenynge that I had be dede.
Line 23172
and comfort, truly was ther none,
for all my fryndës [[frynds St.]] werë gon:
in prison, lay Charite;
