'A Peyrë [[peyre of St.]] glouës, ffor dyffence,
I-callyd 'Dowble Contynence,'
Line 22796
Myghty venus to rechace,
And to putte hir ffro that place, [Tib folio 102a] [[Tib. & St.]]
That sche may hauë noon entre
ffor to assayilë [[fortassaille St.]] chastyte,
Line 22800
Whiche schal, as a [[a St., om. Tib.]] conquerour,)
Kepe and deffendë the dortour,
'To alle my ffreendes, I wole socoure,
That with hertë me honowre,
Line 22804
Hem to kepe ffrom vnclennesse,
While I to hem am cheeff maystresse.'
¶ The Pylgryme:
A fftir this, anoon I wente
In-to the mynstre (off good entente),
Line 22808
And, asyde castynge my syght,
I sawe a lady ffayre and bryght,
Sad off contenaunce and off [[off om. St.]] cheere;
And sche bare, lyke a messangere,
Line 22812
A boyste; and anon ryght, [[6-syllable line]]
Toward the heuene sche took hir fflyght;
ffor (as I kowde byholde and se,)
Sche was whynged, ffor to ffle.
Line 22816
ANd trewely (as I koude espye,)
Sche ffleyë [[flygh St.]] ffer aboue the skye.
And, as me thoughtë, longe and large, [Tib folio 102b] [[St. & Tib.]]
Affor hir brest, sche bare a targe; [[St. & Tib.]]
Line 22820
And (schortely as I kan reherse) [[St. & Tib.]]
The sylvë heuene sche dydë perse. [[St. & Tib.]]
And I thought (in sotheffastenesse) [[St. & Tib.]]
Hir laboure and hir besynesse [[St. & Tib.]]
Line 22824
Was ffor to maken (in certeyne)
Deedë men to ryse [[lyve St.]] ageyne.
And I gan ffor to neyghë [[neygh Tib., nyghe St.]] nere,
Preyëd hir (off herte entere)
Line 22828
To ȝeue me infformacyoun
Off name and of [[and of St., and Tib.]] condyscyoun.
¶ Prayere:
'My namë, ȝeue thow lyste to here, [Stowe folio 359a]
I am, off ffolke, callyd 'Prayere';
Line 22832
