'I despysë alle rychesse;
Line 22688
Slepe in Ioye and sekyrnesse,
Nor thevës may not robbë me.' [[Illumination.]]
The Pylgryme:
TO hir, that so nakyd was,
I gan to hasten a greet paas;
Line 22692
Bysoughtte hir that sche noldë spare,
Hir name, to me ffor to declare.
¶ Pouerte:
'My name, ȝeue I schal tellë the,
I am 'wyllefful Poverte;'
Line 22696
ffor, [[om. St.]] to swyche pouerte I haue me take,
And the world I haue fforsake,
Rychesse and alle pocessyoun,
Save oonly this Gambysoun,
Line 22700
Whiche is callyd 'Pacyence.'
And therffore, with-out offence,
fforsake I haue the Temperal
ffor goodes that ben celestyall: [Tib folio 100a] [[Tib. & St.]]
Line 22704
There is my rychesse and gerdoun,
My tresowre and my pocessyoun.'
¶ The Pylgryme:
"I Preyë the that thow not tarye:
Why is it callyd 'voluntarye'?"
Line 22708
¶ Pouerte:
'TRystë this (it is no ffayle,)
Ther may no thyng a man avayle;
(What maner thyng that euere it be,)
But it be doon off volunte.
Line 22712
Kome fforthe, and se an exanplayre [[exemplayre St.]]
Off poverte not voluntarye.'
And, with-outë [[out Tib., St.]] more lettynge,
Sche Schewyd me oon, ffelle off lokynge:
Line 22716
Groynynge sche sat, ffrownynge and sad;
And off hir cheere sche was not glad.
'Here thow [[thow St., om. Tib.]] mayste seen pouerte
Whiche is no thyng off volunte. [[Illumination.]]
Line 22720
Thow mayste off hir 5anon enquere,5 [[5_5 St., Tib. torn.]] [Tib folio 100b]
And the trouthe sche schal the leere.
¶ The Pylgryme:
