With-out abood, [[abod St.]] in hir panere, [Tib folio 96a]
ffrowarde off look, and eke off chere,
And gan my bak awey to turne;
And therffore soore I gan to morne.
Line 22504
¶ Agyographe:
'NOw I se wel, by thy [[thy St., om. Tib.]] contenaunce,
And also by thy gouernaunce,
Thow haste no luste to loke and se
In this merour (yt semyth me)
Line 22508
Callyd 'the [[the om. St.]] Merour off Concyence,'
Whiche schewith (by trewe experyence,
With-out Eccho or fflaterye,
Or eny other losengerye,)
Line 22512
Vn-to a man, what ymage
He bereth aboute, or what [[what om. St.]] visage,
The portrature, ryght as it is,
And in what thyng he dothe amys,
Line 22516
And how he schal the bette entende,
Alle his ffylthës to amende.'
¶ Lessown [the Subcellarer]:
THanne quod the southe-Celerer: [[sowcelerer St.]]
'Towchynge hir, the Mercer,
Line 22520
It is to hir, displesaunce,
That thow wolte not han áqueyntaunce
With hir, whiche sothëly myght be
fful greet proffyte vn-to the,
Line 22524
In what thow scholdeste haue ado.
'And ȝeue I wyste thow woldeste so,
I wolde maken the to ben able.
Eche day to sytten at hir table;
Line 22528
With hir to be cómensal,
Off Cheerte [[cherite St.]] in especyal.
And [[for St.]] (ȝeue I schal the trouthë telle) [Tib folio 96b] [[St. & Tib.]]
In howsholde with hir I dwelle, [[St. & Tib.]]
Line 22532
And am to hir, off custom, ner.
'And the name off this Mercer
I-callyd is 'hooly scripture,'
Whiche ffor to leren, I do my cure,
Line 22536
In a vessyl off Parchemyn:—
Off ffee, I calle the offyce myn:—
