'ffor, bothe off newe, and ȝore agon,
ffolkës sothely (mo than on)
Line 22424
Han in Adulacyoun [Tib folio 94b]
ffounde fful greet decepcyoun:
Lordes (wherffore I seye 'allas!')
Han be dysseyued in this caas,
Line 22428
And, by advlacyoun
Brought to ther destruccyoun.
¶ fflaterye: [[om. St. Hagiography still speaks.]]
'FOr this custom hath fflaterye,
To seyne [[leyn St.]] thus by loséngerye—
Line 22432
Whanne hym lykyth to bygyle,
ffalsely by his sotyl while,—
To hem that be moste vycyous,
How that they are vertuous;
Line 22436
And though they ben to vyces thral,
They seyne eke they be lyberal,
Though they be streyte and ravynous,
And greetë nygardes in her hous.
Line 22440
They callë ffame and hygh renoun,
Raveyne and ffalse extorcyoun.
Though they be ffooles, and off no prys,
They afferme that they are wys.
Line 22444
¶ Who that trustith in swyche langage,
He is a ffool, and no thyng sage, [Stowe folio 355b]
And ffolyly spente his labour,
That lokyth in any swyche merour;
Line 22448
And namëly, whanne al is do,
That he knowith it is not so.
'Eche wyght knowe hym-syluen kan,
Bette thanne eny other man.
Line 22452
Leff, off [[Ieve of St.]] fflaterye the sentence,
And ȝeue to trouthë fful credence;
Thow knoweste bet thi-silffe, (off ryght,)
Thanne doth eny other wyght.
Line 22456
¶ 'Late [[let St.]] lordës (whanne they kan espye,)
Sette asyde alle fflaterye! [Tib folio 95a]
But now, allas, it stondyth so,
They be disseyuëd by Eccho;
Line 22460
And ther sogetes, [[sogets St.]] in many cost,
