'ISchewe no thyng, in sothe,' quod sche,
'But as it is in veryte.
I wole hoolden my byheste,
As ffolkës maken me requeste;
Line 22388
ffor, as ffer fforthe as I kan,
I wole deceyue no maner man;
The deceytës, ffeytheffully [Stowe folio 355a]
I wole schewe hem opunly.
Line 22392
Merours ther ben in many wyse,
As Craffty ffolkës kan devyse,
Whiche schewen dyuerse vysages [Tib folio 94a]
And many wonderfful ymages,
Line 22396
Whiche to declare, I wole not dwelle:
Reede perspectyff, and that wole telle,
And schewen out the varyaunce
Off dyuerse ffacys, by démonstraunce.'
Line 22400
¶ The Pylgryme:
ANd off a merour that I ffonde,
Whiche that I heelde in myn hande, [[hond St.]]
I preyed hir, with-outë [[out Tib., St.]] schame,
To tellë me there-off the name.
Line 22404
¶ Agyographe: [[agiographye St.]]
'HYt were good to hye and lowe,
That allë ffolkës scholdë knowe,
And there-off hadde a trewë syght,
Iustely what this merour hyght,
Line 22408
That ffolkës (ffor greet lak off lyght)
Were not deceyued in her syght.
THis merour (by descripcyoun)
Is called Adulacyoun:
Line 22412
This is (withouten eny blame)
Veryly his ryghtë [[ryght Tib., St.]] name;
ffor, take good heede, that fflateryng
Is engendred off lesyng:
Line 22416
Somme callen hir Placebo,
ffor sche kan maken an Eccho,
Answere euere ageyn the same,
Because that he wole haue no blame.
Line 22420
Though it be ageyne resoun,
There is no contradiccyoun,
