'I Am,' quod sche, 'cheeff noryce
To allë ffolkes that ffleën vyce.
Line 22272
No cloyster is worthe (who looke aboute)
On no syde whan I am out.
I makë cloystris fferme and stable,
Worschipe-full [[full St., om. Tib.]] and honowrable;
And my name (ȝeue thow lyste se,)
Line 22277
Is callyd Agyographe, [Tib folio 92a]
Whiche is to seyne (I the ensure,)
Off holy wrytynge the scripture. [¶ Sancta scrip[tura]]
Line 22280
And at ffeyrës and at ffeestis,
I reste in skynnës off dede bestis.'
¶ The Pylgryme:
"DEclarë me, and doth not ffeyne,
Why be ȝe partyd thus on tweyne:
Line 22284
The to parte, 2wonder ffayre off cheere,
Lusty, amyable, and cleere;2 [[2_2 here: leaf 353-4]]
The tother party, [[St. repeats]] wonder myrk,
Schrouded with a cloudë dyrk."
Line 22288
¶ Agyographe:
'I Was not,' quod sche, 'sothe to say,
Lyche thé, borne vp-on a day,
But by processe and leyser,
And by space off many a ȝer.
Line 22292
'By ooldë tymë (stylle and loude,)
I was schadewed with a cloude,
And fful derkely kepte in cloos,
Tyl tymë that the sonne aroos—
Line 22296
I mene, the tyme that was to-fforn
That Cryst ihesu lyste to be born,—
Thilkë tyme, my party ryght,
Off a cleer skye kaught his lyght;
Line 22300
The whichë skye, proffetys seyde,
Was that blessed holy mayde,
Off Iesse bothë braunche and fflour,
That bare Ihesu, oure savïour.
Line 22304
'That tymë, with his streemës clere,
ffirste my bryghttenesse dyde appere;
And alle derkenesse to termyne,
Only by grace whiche is devyne. [Tib folio 92b]
Line 22308
