And hir name was Charite. [[Illustration.]]
Line 22200
TO pylgrymes, in goodly wyse,
Sche dyde moste trewely the servyse.
With chere benygne, and glad vysage,
Sche brought hem to ther herbergage;
Line 22204
And euere sche was moste ententyff,
With-outen [[outen St., out Tib.]] noyse or eny stryff:
To seruë porë ffolkys alle, [Tib folio 90b]
That ffor helpë to hir calle,
Line 22208
Sche was besy euere more.
And in this book, not goon fful ȝore,
I spakë off hir, dowtëles,
ffor sche heelde the wrytte off pees,
Line 22212
Whanne Moyses, the byschop cheeff,
Gan departë the releeff
To pilgrymës (in substaunce)
To ȝeuen hem ther sustynaunce.
Line 22216
ANd [[and om. St.]] thorough the cloystre, thanne anoon,
By the waye as I gan goon,
Off áventure in my repayre,
I mette a lady Inly ffayre,
Line 22220
Bothe off schappe and off stature;
And sche bare (I ȝou ensure)
In hir hand, a smal coffyn
Whiche was made off parchemyn.
Line 22224
A whitë dowve (it is no dowte)
Alle-way sewyd hir abowte. [[Illumination.]]
¶ The Pylgryme:
ANd as I lokyd heere and ther,
I stood in a maner wher,
Line 22228
What tokénës it [[tooknys that it St.]] myght be, [Tib folio 91a]
The thyngës that I dydë se;
Prayed hir in goodly wyse,
That sche wolde anoon devyse
Line 22232
There-off by exposicyoun,
A cleer sygnyffycacyoun.
¶ Lessoun declarith: [[declarith, om. St.]]
'TRewely,' quod sche, there as sche stood,
'I ne thenke no thyng but good,
Line 22236
