And affter that, sche lyste not dwelle,
But gan hir hanker vp to pulle,
And in the see, fforthe bygan to sayle
Towarde the castel, ȝeue it wolde avayle,
Line 22132
Me to spede on [[vp on St.]] my Iorne.
And at the laste, I ffonde a large entre;
But, off entente, stylle awhile I stood
Sool by my silffe, and at the gate abood.
Line 22136
¶ The pylgryme:
"POrter," quod I, in haste, "I preye the,
At this castel graunte me entre,
ffor Grace dieu hathe me hyder brought, [Stowe folio 352b]
Off the entre that I ffayle not."
Line 22140
¶ The Porter answerith:
QVod the porter anoon to me,
'Ȝeue I knewë, and dyde se
That the kyng wolde it avowe,
Thyne entre I scholde alowe;
Line 22144
But the wyllë [[will is St.]] off the kyng [Tib folio 89a]
There-off I knowe no maner thyng.'
¶ The Pylgryme:
"TElle me thanne, lyke myne entent,
Is the kyng hym-silffe present?"
¶ The porter answerith:
'TRustë wel, as thow schalt leere,
Line 22149
I wolde not ellis sytten heere:
It is a sygne (eerly and late,)
Whanne thow seeste me at the gate,
Line 22152
To telle (by good avysëment,)
The kyng hym-silffe ys here present.'
¶ The Pylgryme: [[Illustration.]]
"TElle me thy name, off gentillesse,
Line 22155
With-outen [[outen St., out Tib.]] eny straungënesse."
¶ The Porter answerith:
'ANd I schal [[I shall the St.]] telle the with-out schame: [Tib folio 89b]
Drede off god, that is my name;
Whiche is ground (with-out offence)
Off wysdam and Sapyence.
Line 22160
I voydë synne, and vyces chace,
That noon [[noon St., men Tib.]] may entren in this place;
