'And sythen thow haueste lyberte
ffor to entren or go ffre,
Line 22092
Cheese amonge these towres alle,
At whiche gatë thow wolte calle. [Tib folio 88a]
¶ Ther [[her St.]] ben the Cystews ffastë by;
And not fful ffer is eke Clwny.
Line 22096
Byholde ȝonder a Chartrehous,
2An ordur that is full vertuous.2 [[2_2 St., om. Tib.]]
Thow mayste eke senë ffrere Prechours,
And other that callyd ben Menours;
Line 22100
Ordres off many other [[a nothar St.]] guyse,
Mo thanne as now I kan [[I can as now St.]] devyse:
Cheese at thyne ownë volunte,
In whiche off allë thow wolte [[wilt St.]] be. [[Illustration.]]
Line 22104
'Alle they stonde in [[on St.]] stable grownd,
To kepë, bothë saaff and sownd,
Body and soule, (it is no drede)
Who kepith his rule in verrey deede.
Line 22108
And these placis agrëáble,
Allë they ben dyffensáble
Ageyne the ffende and alle his myght,
That man assayleth day and nyght
Line 22112
In this mortal trowbely see,
ffulffilled with greet aduersyte.
And, therffore, ȝeue thow do wel,
Entre anoon in som castel,
Line 22116
There thow mayste (at a word)
Kepe the within schippës bord. [Tib folio 88b]
This wordely see (it [[it St., om. Tib.]] is no ffayle)
Eche day off newe the schal assayle;
Line 22120
Wherffore I councel the to ffle,
Whyle thow haste myght and lyberte.'
¶ The Pylgryme:
"MAdame," quod I, "whan al ys sought,
I haue chose (off herte and thought,)
Line 22124
Off Cystews, (in echë syde)
In that castel to abyde,
In-to that ffortresse I wole gon."
Grace Dieu: [[St., om. Tib.]]
'Entre my schyppe,' quod sche, 'anoon.'
Line 22128
